June 24th 2011 - A ANUNCIA CU DIGICEL TA PARTNER CU U.S. DEPARTMENT OF STATE PA E CARIBBEAN IDEA MARKETPLACE

ORANJESTAD, Aruba - 23 di juni 2011: Digicel, siendo e miho operador di celular den Caribe, Centro America y Ocean Pacifico, a ricibi anuncio cu el a keda apunta como un di e partnernan principal cu U.S Department of State pa sostene e Caribbean IdEA Marketplace. Cu proposito pa fomenta colaboracion entre e comerciantenan local y global di Caribe, e plataforma di competencia di negoshi aki lo encurasha e participantenan pa desaroya y expande e proyectonan innovativo cu lo genera empleo y crecemento economico.

E paisnan di enfoke inicial ta inclui: Bahamas, Barbados, Republica Dominicana, Guyana, Surinam, Jamaica y Trinidad y Tobago cu e siguiente metanan:
•    Pa yega na un compromiso entre comerciantenan di Caribe pa promove e programanan di desaroyo di impacto halto;
•    Pa crea asociacion nobo, cross-sector pa desaroyo economico y social;
•    Pa intercambia conocemento y crea red di enseñansa cu e comunidad diaspora;
CIM lo implementa den e contexto di  International diaspora Engagement Alliance (IdEA), cual a wordo lanza dor di Secretario di Estado di Merca, Hillary Rodham Clinton, riba 17 di mei na Washington DC durante e Global Diaspora Forum. Otro asociacion ta inclui Inter-American Development Bank y Scotiabank.
Durante e Global Diaspora Forum, U.S Secretary of State, Hillary Rodham Clinton a bisa; “Como un colaborador, nos lo traha hopi di cerca cu e lidernan di diaspora y otro partnernan pa implementa e proyectonan y haci nos impacto mas grandi ainda".
Colm Delves, Group CEO di Digicel a splica cu “E seis miyon habitantenan di e paisnan diaspora ta consisti di expertonan altamente cualifica y entrepreneurs educa y ta reconoc’e como un fuente importante di crecemento y desaroyo na Merca y mas leu".
Mas leu el a agrega cu “Como e operador di celular number un den e region, Digicel tabata e instrumento clave pa conduci innovacion, crecemento economico y crea empleo y oportunidad pa e pueblonan di Caribe. P’esey mes nos ta aplaudi e compromiso di U.S Department of State pa stimula empleo y crecemento economico den Caribe y ta encanta pa ta parti di e programa fantastico aki.”