September 28th 2011 - DIADOMINGO AWOR TIN SHOW ESPECTACULAR DI AUTO Y BENTA DI CELULAR

Famia completo di DIGICEL ta warda un y tur
DIADOMINGO AWOR TIN SHOW ESPECTACULAR DI AUTO Y BENTA DI CELULAR
Digicel, e compania cu dia pa dia ta sigui crece cu su red mas grandi, mas miho y mas lihe, ta invita comunidad pa bishita nan diadomingo awor sin falta na e tremendo evento di show di auto y benta di nan productonan. E evento ta tuma luga riba e gigantesco parkinglot di Ling & Sons, cuminsando for di 1:30 di merdia y ta continua te cu 5’or di atardi. 
Pa exactamente 11or di mainta te cu 3or di atardi tur hende por bin pa probecha di e tremendo oferta riba diferente modelo di celular como tambe cuenta mensual. Tambe tur hende tin e oportunidad di cumpra sea e Dongle (USB-modem), scoge entre 3 diferente tipo di BlackBerry y e SIM 4G pa asina abo tambe uni na e red di mas lihe na Aruba. Oferta di kita sombre riba e contract postpaid di 2 aña, unda cu hasta e clientenan cu firma contract, lo ricibi un voucher di Afl.50,- pa gasta den e supermercado grandi di Ling & Sons. 
Desde 1:30 te cu 5’or di atardi, lo tin diferente club di auto, cu ya ta preparando nan mashin clasico  y unico, pa un y tur bin admira beyesa di nan auto. Mustang Car Club – Aruba Muscle Car Club – HS Racing Club – UZA Club – Aruba Car Collectors Association – Porn Star Racing y varios otro club mas di auto, tin un show espectacular pa brinda pueblo henter diadomingo awor, hunto cu e famia grandi di Digicel y DJ 101, cu tin un repertorio increibel prepara pa tur edad y gusto. Digicel lo tin premio pa diferente categoria, manera e.o. e mihor diseño, auto mas great, etc. Y pa completa henter e espectaculo di auto, Digicel lo introduci nan autonan nobo nobo.
Pues diadomingo awor, ta riba e parkinglot di Ling & Sons bo mester ta y no laga niun hende conta bo. Bin probecha di e ofertanan unico y fantastico di Digicel y admira e autonan clasico y moderno di nos amantenan di un bon auto. DJ 101 ta cla pa entretene tur hende cu su musica y animacion, unda cu bo ta cuminsa bo dialuna completamente relaha y feliz di presencia e actividad di Digicel.


FIN