April 12th 2011 - DIGICEL A ASOCIA CU “HEALTHY CARIBBEAN COALITION” DEN CAMPAÑA DI SALUD

DIGICEL A ASOCIA CU “HEALTHY CARIBBEAN COALITION” DEN CAMPAÑA DI SALUD
ORANJESTAD, Aruba – 11 di april 2011: Digicel, e red mas grandi y miho den Caribe, Centro America y Pacifico, a asocia cu Healthy Caribbean Coalition (HCC) pa e campaña di apoyo den media titula “Get the Message” pa crea un consciencia publico mas grandi di e malesanan cronico cu ta afectando ciudadanonan den e region di Caribe. Healthy Caribbean Coalition a lansa un campaña extenso pan-Caribense na luna di maart pa encurasha e lidernan di Caribe pa mehora prevencion y tratamento di e malesanan cronico y pa provee educacion publico di esaki.
Digicel lo aporta na e campaña aki den un esfuerso pa alcansa un miyon mensahe di texto (SMS) entre awo cu luna di September, ora e lidernan di Caribe atende na e United Nations High Level Meeting tocante e malesanan aki. Digicel tambe lo actua como un colaborador pa coordinacion di mandamento di SMS y cuantifica e reportenan di data, como tambe conduci un campaña via e media nan social Facebook y Twitter.
E sosten di Digicel na e campaña aki ta debi na su propio programanan di salud di comunidad alrededor di su 32 mercadonan, diseña pa conscientisa e publico riba varios asunto di salud, permitiendo e clientenan acceso facil y confidencial na e informacion di salud, provee fuentenan pa un facilidad di salud como tambe facilita mision medico na esunnan cu ta den necesidad.
Por ehempel na Barbados, Digicel ta trahando actualmente hopi cerca cu e Diabetic and Hypertension Association cu ta aspira pa asisti aproximadamente 30,000 persona bibiendo cu e malesanan aki. Te cu awor, Digicel a haci donacion di dos Jablotron desktop phones na e asociacion pa uza como hotline, como tambe cu campañanan di conscientisacion via su paginanan di fan riba Facebook y Twitter.
Digicel tambe ta contribui cu e telefonnan BlackBerry cu free voice y servicio di data na e Bermuda Autism Charity “Tomorrow’s Voices” pa yuda nan opera mas eficiente y a sponsor St. Lucia su Pine Hill Fun Walk anual, cu ta encurasha ciudadanonan pa un estilo di bida mas saludabel.

Bert Schreuders, Gerente General di Digicel Aruba a bisa cu “Como e campeonnan den cambio dentro di nos mercado, Digicel ta alcansa e programanan comunitario cu den forma consistente ta haci un diferencia positivo. Nos ta contento di por asocia cu HCC pa e revolucion di salud aki pa educa nos hendenan riba enfermedad no transferibel manera diabetico, hipertension y cancer. Door di provee un plataforma tecnico pa e campaña aki, nos lo informa un miyon di hende den region cu informacion vital cu por ta e diferencia entre bida y morto.”
Durante transcurso di e campaña, e abonadonan di Digicel, lo wordo encurasha pa manda un SMS cu e palabra “Support” y lo ricibi tip nan diario di salud. E campaña tambe ta inclui mensahenan den forma di servicio publico educacional den corant, via radio y television dentro di e region y alrededor.
 
FIN