Digicel a reafirma nan compromiso cu e organisacion E FIN DI SIMAN AKI TIN “NATIONAL GAMES” DI SPECIAL OLYMPICS ARUBA

September 6th 2012 - Digicel a reafirma nan compromiso cu e organisacion E FIN DI SIMAN AKI TIN “NATIONAL GAMES” DI SPECIAL OLYMPICS ARUBA

Digicel a reafirma nan compromiso cu e organisacion

E FIN DI SIMAN AKI TIN “NATIONAL GAMES” DI SPECIAL OLYMPICS ARUBA

Atletanan special lo demostra na comunidad dicon nan ta “Extraordinario”

 

ORANJESTAD, Aruba – 5 di september 2012: Digicel hunto cu Special Olympics Aruba a anuncia e tradicional ‘National Games’ y tambe presenta e logo nobo, cu ta caracterisa nan compromiso cu pueblo como tambe e innovacion den mundo di comunicacion. Un compromiso cu ta bay mas leu, cu djis ta un compania di comunicacion mobil, ya cu nan slogan ‘Ta Extraordinario’ ta representa un y tur den nan bida diario, haciendo e cosnan extraordinario.

‘National Games 2012’ ta priminti di bira un evento deportivo hopi fascinante y interesante, demostrando e gran talento y habilidad deportivo cu nos atletanan special tin. Digicel semper ta atento cu e desaroyo y di nos atletanan special y ta aplaudi y balora enormemente nan gran dedicacion y disciplina cu nan tin pa nan trainingnan.

Durante henter e fin di siman aki, lo tin diferente actividad deportivo y Digicel kier invita pueblo henter pa bin disfruta y alabes apoya nos atletanan special. Digicel a bolbe reconfirma nan areglo di patrocina Special Olympics, demostrando nan sosten total na e atletanan aki, cu sigur ta un bibo ehempel di e slogan ‘Ta Extraordinario’. Loke ta haci e actividad deportivo aki extraordinario, ta cu e staf di Digicel tambe lo t’ey presente como boluntario na tur e actividadnan deportivo. Un gesto di e empleadonan di Digicel, cu ta hacie cu hopi amor y pasion, dunando sosten completo na nan slogan nobo’ Ta Extraordinario’.

‘Aruba National Games 2012’ ta inicia diabierna 7 di september, brindando un y tur un tremendo apertura na Stadion Guillermo Trinidad na Dakota, for di 5:30 te 7:30pm y despues lo sigui di biaha cu e competencia den atletismo, cu ta programa pa termina 9’or di anochi.

Diasabra 8 di september lo tin 2 actividad deportivo, cu sigur ta priminti di bira un evento cu hopi animacion y euforia. Pa 10or di mainta te cu 12or di merdia, lo tin e deporte di Badminton na Centro Deportivo Playa, band’i Colegio Arubano y mas den e oranan di merdia, pues di 2or pa 6or, lo tin e deporte di futbol, na veld Britania na Piedra Plat.

Diadomingo 9 di september e agenda di actividad ta yen. Ya pa 9’or di mainta te cu 1or di merdia lo tin e weganan di Bolas na veld band’i gymzaal SVGA, unda cu e atletanan lo demostra nan gran talento den bolas. Despues for di 1’or te cu 3or di merdia lo tin varios evento y wega recreativo, hunto cu e bus di Salud na SVGA (Piedra Plat 97A), brindando asina un y tur presente un oportunidad pa controla nan salud y alabes cera conoci cu un proyecto di salud unico.  E clausura lo tuma luga na Centro Man Na Obra for di 3or te cu 6or di atardi, unda lo cera conoci cu tur e ganadonan di e diferente deportenan.

Digicel y Special Olympics Aruba ta invita un y tur pa disfruta di un fin di siman deportivo y tambe apoya tur e atletanan den nan deporte, ya cu por spera diferente bataya fuerte p’e prome luganan y tur e atletanan ta hopi bon prepara y asina forma parti tambe di e grupo di “Ta Extraordinario”.