September 7th 2011 - Digicel Aruba ta celebra yegada di 4G cu clientenan comercial

Digicel Aruba ta celebra yegada di 4G cu clientenan comercial

ORANJESTAD, Aruba – 5 di september 2011: Recientemente Digicel Aruba, cu e red mas grandi, mas miho y awo mas lihe tambe a tene un celebracion special cu su clientenan comercial na Windows on Aruba Restaurant na Divi Links. E evento aki tabata pa celebra e hecho cu a lansa e red 4G di Digicel, como e prome na Aruba. E evento aki ta bini net algun dia despues di a celebra e lansamento aki den weekend na South Beach Center cu pueblo di Aruba.
Manera anuncia e simannan cu a pasa, Digicel awor tin e Red Mas Grandi, Miho y tambe Mas Lihe na Aruba, Boneiro y Corsou. A haci un inversion di 11 miyon florin y mester a haci hopi trabao grandi pa actualisa e red, pero clientenan di Digicel awor por disfruta di comunicacion via e red di 4G, cu mucho mas velocidad riba nan celular of nan laptop, iPAd, etc. E USB-stick pa Internet, e asina yama Dongle, ta un medio facil pa uza y masha util, cu ta brinda e cliente acceso na Internet via di su computer of laptop rond di henter Aruba sin mester di un modem of conexion di WiFi.
Pa clientenan cu ta haci negoshi na Aruba, Boneiro y Corsou, e Digicel 4G Dongle ta hopi eficiente. Tur cliente di Digicel uzando e tecnologia aki tin bon conexion di Internet y no tin ningun costo di roaming ora di uza e Dongle ariba e tres islanan. E clientenan comercial a cera conoci cu e Red 4G di Digicel Aruba, disfrutando di un bunita recepcion den compania di ehecutivonan y personal di Digicel.

FIN