February 10th 2011 - Digicel ta crea acceso facil pa ricibi mas informacion instantaneo via QR Code Lo ultimo den tecnologia di BlackBerry

Awor bo por scan aviso pa mas informacion riba promocionnan
Digicel ta crea acceso facil pa ricibi mas informacion instantaneo via QR Code
Lo ultimo den tecnologia di BlackBerry

 ORANJESTAD, ARUBA - Dialuna 7 di februari 2011: Digicel ta dunando su clientenan e manera mas facil y moderno pa ricibi informacion mesora cu nan smartphone, cu e introduccion di Quick Response (QR) code.
 
QR Code ta permiti e clientenan di Digicel pa ricibi acceso di e ultimo informacionnan di e productonan y e promocionnan di Digicel – tur cu un simpel scan cu e camara di un smartphone di e barcode ilustra den e anuncionan di corant di Digicel, Billboard y pagina di Facebook.
 
Gerente di Mercado di Digicel Aruba, Wanda Broeksema, a bisa; “Como parti di nos promesa pa ofrece e miho servicio, Digicel como e red mas grandi y miho ta ofrece otro tremendo innovacion den forma di e QR code. Cu e lansamento di QR code, Digicel ta haci’e hopi facil pa su clientenan pa ricibi mas informacion si nan ta desea esaki.
 
E clientenan cu ta uza BlackBerry instant messaging lo ta familiar cu QR code, cu ta uza pa intercambia informacion di BlackBerry PIN. Aunke, e  QR code awor, lo permiti e clientenan di smartphone, acceso facil di informacion di biaha di Digicel como tambe acceso na nan website.
 
Pa e smartphonenan sin e aplicacion di QR, e clientenan por baha e aplicacion for di internet completamente gratis for di www.getscanlife.com of www.codemuncher.com.