September 7th 2011 - Pa nan ta mas accesibel Miembronan di prensa a ricibi Dongle 4G di Digicel

Pa nan ta mas accesibel
Miembronan di prensa a ricibi Dongle 4G di Digicel
 
ORANJESTAD, Aruba – 31 di augustus 2011: Representantenan di medionan di comunicacion ta celebra Dia di Prensa ariba dia prome di September. Esaki tambe ta e dia cu comunidad ta probecha pa bisa miembronan di prensa "danki" pa e bon cooperacion ricibi durante e aña cu a pasa. Digicel, siendo e red mas grandi, mas miho y mas awor mas lihe tambe, a dicidi di bisa prensa "Pabien y Danki" poco dia prome cu un regalo hopi special. Digicel Aruba a invita miembronan di prensa cu nan ta traha henter aña cu nan pa un recepcion na nan oficina principal na Marisol Building.
 
Probechando cu Digicel a introduci 4G siman pasa, a regala miembronan di Prensa local un Digicel Dongle 4G pa nan por ta comunicabel tur caminda, tur ora y den forma ilimita. Tabata un sorpresa cu a wordo ricibi cu hopi entusiasmo, ya cu awor y pa e siguiente 6 lunanan, e 25 miembronan di prensa aki tin conexion di Internet gratis via di e USB-stick cu Digicel na Aruba, Boneiro y Corsou.
 
Acceso na Internet via Dongle ta facil, e ta hopi conviniente y obtenibel via di e Red mas Grandi, Miho y Mas Lihe di Digicel. Ademas, tur cliente, incluyendo e 25 miembronan di prensa ta disfruta di acceso na Internet na Aruba, Boneiro y Corsou, sin problema di conexion y sin costo adicional pa roaming.
 
Ehecutivonan y personal di Digicel ta contento di por contribui activamente cu trabao di miembronan di prensa cu semper a brinda nan bon cooperacion. Digicel ta gradici tur reportero, fotografo, redactor y personal completo di tur medio di comunicacion na Aruba pa nan cooperacion y ta desea nan un dushi dia! Felis Dia di Prensa!

FIN