November 16th 2011 - A lansa campaña special Na Digicel tin "GRATIS PA UN Y TUR” Haci mas yamada local, internacional y manda mas SMS

A lansa campaña special
Na Digicel tin "GRATIS PA UN Y TUR”
Haci mas yamada local, internacional y manda mas SMS
 
ORANJESTAD, Aruba – 14 di November 2011: Digicel ta lansa su campaña nobo "GRATIS PA UN Y TUR" cu un cantidad di bonus special pa tur cliente cu ta haci uso di servicionan di SMS, yamada internacional y yamada entre e islanan ABC. Ta parce cu con cu bo haci of kico cu bo haci como cliente di Digicel, bo ta sali gana cu tanto regalo cu nan ta partiendo entre nan clientenan den e temporada aki.

Ainda mas cu Digicel ta regalando 180 mil florin na placa cash y regalo manera 5 florin na credito. Awor cu temporada di fin di aña ta drentando, Digicel ta ofrece clientenan e regalo di "conectividad" y asina yuda tene famianan y amigonan den contacto cu otro, pero na un tarifa reduci y hasta gratis. "GRATIS PA UN Y TUR" ta un manera creativo pa bisa "DANKI" na tur cliente pa nan lealtad y nan pasenshi.

Den e campaña aki, clientenan cu manda solamente 5 SMS pa cualkier number ta ricibi su SMS-nan pa e resto di e mesun dia GRATIS! Esaki te cu un maximo di 100 SMS y ta valido di Digicel pa Digicel. Tambe den e campaña aki ta tene cuenta cu clientenan cu mester haci yamadanan internacional, pues tur cliente cu yam a Venezuela, Colombia, Peru, St. Domingo, Hulanda of Merca na un liña fiho of cellular y papia pa 5 minuut sigui, por papia te cu 10 minuut y solamente ta paga pa e prome 5 minuutnan. Pues, ta regala e cliente 5 minuut extra na yamada internacional gratis
Y pa esunnan cu ta haci yamada local, Digicel ta duna bo e opcion pa papia mas. Tur cliente di Digicel cu ta gusta of kier papia un tiki mas largo, Digicel a lansa e tremendo oferta aki pa tur yamada di Digicel pa Digicel na Aruba, Boneiro y Corsou, den cual e cliente ta papia pa 32 minuut, pero ta paga solamente pa e prome 2 minuutnan.

Cu e campaña aki, Digicel kier bisa danki na tur cliente pa e apoyo di henter aña y reenforza nan bon relacion cu nan clientenan. Awor cu dianan di fiesta ta den porta, hopi hende ta busca contacto cu nan sernan keri y esaki ta e oportunidad pa nan papia un tiki mas largo, comparti un tiki mas, pero na un tarifa increiblemente abao. Cu esaki Digicel ta reafirma cu e ta e compania di cellular cu e red di mas grandi, mas miho y awor esun mas lihe tambe na Aruba!

FIN