March 1st 2010 - Bo compra na Digicel por ta bo ticket pa e final di futbol mundial Digicel ta hiba clientenan pa wak weganan final na Sur Africa como patrosinador ofi

Bo compra na Digicel por ta bo ticket pa e final di futbol mundial
Digicel ta hiba clientenan pa wak weganan final na Sur Africa
como patrosinador oficial di FIFA den henter Caribe
 
Oranjestad, Aruba- 22 di Februari 2010 –Digicel ta un di e orguyoso patrosinadornan oficial pa cu e copa Mundial di Futbol Sur Africa 2010 y a bin atrobe cu un tremendo campaña pa asina cliente di Digicel ta haña e oportunidad unico pa por participa pa gana un biahe pa Sur Africa pa wak e weganan final di Mundial cu tur gasto paga, cu ta inclui pasashi pa Sur Africa, estadia y un ticket di entrada pa e wega final.
Participa den e campaña grandioso cu E Red Mas Grandi y Mihor a lansa en coneccion cu Copa Mundial di Futbol Sur Africa 2010 pa nan clientenan postpaid y prepaid ta hopi facil y ta bai automaticamente door di e siguiente manera;
Door di cumpra un celular Prepaid di Digicel of sera un contract Postpaid nobo, extende bo contract di Postpaid, paga bo recibo di Postpaid completo of aplica pa e servicio di Free Nights and Weekends.

Den cuadro di e campaña aki Digicel lo bai tin diferente oferta FIFA cu bo por hasi uso di dje, y nan lo ta oferta tanto pa clientenan prepaid como postpaid.
Pa nos clientenan prepaid Digicel a bin special pa e temporada di Mundial, un biaha mas cu e tan gusta Scratch & Win. E carchi di “Scratch & Win” cu ta consisti den carchi di recarga di Afl.5,- cu e logo di FIFA riba dje pero adicional e ta bin cu un parti pa raspa caminda bo por gana premionan di FIFA manera: bala di futbol, tas deportivo di FIFA, of T-shirt di FIFA. Banda di e premionan aki ademas bo por gana nada menos cu un di e varios televishon flat screen pa bo no perde ningun di e weganan di Copa Mundial Sur Africa 2010 of gosa cu bo amigonan di Mundial na bo luga preferi cu tur gasto paga. Pues cumpra bo carchi y scratch.

Nos clientenan Postpaid ta bai automaticamente tur luna den un rifa caminda no solamente nan por  gana premionan di FIFA manera: bala di futbol, tas deportivo di FiFa, T-shirt di FIFA pero tambe un televishon flatscreen of gosa ku bo amigonan di Mundial na bo luga preferi cu tur gasto paga. 

Digicel no ta desilucionabo, paso si bo no a gana un premio instantaneo door di Scratch & Win of door di e rifa di tur luna, ainda bo tin chens pa participa pa e premio grandi cu ta un pasashi pa Sur Afrika cu asiento sigura den e final di Copa Mundial dia 11 di Juli proximo. Y ku tur e demas gastonan paga.

Digicel lo saca dos felis ganador cu lo haña e chens unico pa bai wak e weganan final di mundial na Sur Africa cu tur gasto paga, esta  un ganador bou di e clientenan postpaid y un ganador bou di e clientenan prepaid.




Digicel, e Red Mas Grandi y Mihor ta e patrosinador exclusivo pa cu e weganan mundial di futbol den Caribe. E ta e unico cu por hibabo Sur Africa pa disfruta di e weganan final di futbol mundial.
Sintonisa Tele Aruba pa tur e wega di FIFA 2010.


-FIN-