November 21st 2011 - Campaña “Gratis pa Un y Tur” ta hayando hopi atencion Feria di Digicel cu tremendo ambiente y hopi regalo

Campaña “Gratis pa Un y Tur” ta hayando hopi atencion
Feria di Digicel cu tremendo ambiente y hopi regalo
 
ORANJESTAD, Aruba – 20 di November 2011: Digicel a trece un tremendo ambiente festivo den districto di Tanki Leendert diasabra cu un feria fenomenal. Di pafo ariba caya te den e tienda tabatin entretenimento pa grandi y chikito. Tur esaki den cuadro di e campaña “Gratis pa un y tur” cu e compania di celular a caba di lansa siman pasa.
 
Ya for di mainta caba tur e telefonnan di e oferta cu a sali publica di Afl. 59 y mas a caba. “Nos mester a trece mas di e celularnan aki di nos otro tiendanan pa por complace cu nos clientenan," asina Elaine Singh di e departamento di mercadeo y promocion di Digicel a splica.
 
E team creativo di Digicel cu a presenta e tremendo oferta di celular cuminsando for di apenas Afl. 59 cu compra di un carchi di credito di Afl. 10, a haya nan mes cu mannan yen di trabou e weekend aki. E campaña ta sigui te cu Sinterklaas, dia 5 di december. Tin diferente modelo pa scoge di nan den e oferta aki manera Samsung, Coral y Nokia, pero tambe pa Postpaid tin un cantidad grandi di modelonan nobo di BlackBerry. Digicel tin mas of menos 50 diferente modelo di celular den su coleccion, pues tin un celular pa cada gusto teniendo na cuenta tambe e necesidadnan di comunicacion di e cliente.
 
Di mainta un DJ tabata entretene y e promogirl-nan tabata baila pafo di e tienda y partiendo flyer pa promove "Gratis pa Un y Tur". Clientenan cu a haya un SMS cu nan ta participando na Gratis pa Un y Tur tabata pasa busca nan regalo. Digicel a percura pa tur mucha gosa tambe, cu un Dino Jump, cotton candy y popcorn pafo y den e tienda un kids' corner cu pintamento di cara y "knutselen". Atardi Goza Gaita a atrae publico cu su dushi musica di temporada di fin di aña y Oscar Fernandez tabata presentando su programa popular La Mania en bibo.

Pa loke ta e campaña "Gratis pa Un y Tur", Digicel ta regalando SMS gratis y tambe hopi minuut gratis na clientenan cu ta haci yamada internacional y entre islanan ABC. Clientenan cu manda 5 SMS pa cualkier number ta ricibi 100 SMS gratis pa manda e mesun dia di Digicel pa Digicel. Esunnan cu haci yamada pa Venezuela, Colombia, Peru, St. Domingo, Hulanda of Merca pa un liña fiho of celular y papia 5 minuut sigui, por papia pa 10 minuut y ta paga solamente pa e prome 5 minuutnan. Clientenan cu yama di Digicel pa Digicel na Aruba, Boneiro y Corsou y papia pa 32 minuut of menos ta paga pa solamente e prome 2 minuutnan.
 
Un y tur ta keda invita pa bishita e siguiente feria di Digicel ariba dia 4 di december na e tienda di San Nicolas cu lo tin como invitado special Sinterklaas y Zwarte Piet.

Asina, den un ambiente festivo, cu prijsnan excelente ariba celular nobo y "Gratis pa Un y Tur", Digicel ta ofrece tur su clientenan e regalo di conectividad pa nan ta bon prepara y den bon comunicacion cu nan sernan keri pa fin di aña.
 
F