September 9th 2011 - CARLOS VAN DER LINDEN Y DANIEL BURGZORG GANADO DI “TOP UP” CU DIGICEL

"Digicel ta regala 180mil florin na premio den e campaña Top Up & Win"
CARLOS VAN DER LINDEN  Y DANIEL BURGZORG GANADO DI “TOP UP” CU DIGICEL

ORANJESTAD, Aruba – 9 di september 2011:
E campaña fenomenal di Digicel “Top Up y Gana Awo!” ta haciendo un cantidad di cliente sumamente feliz cu diferente premio gordo. Digicel conoci como e compania di celular cu e red mas grandi, mas miho y awor cu e red di mas lihe tambe, ta regala 180 mil florin na premio e luna aki.
E biaha aki a toca suerte na Daniel Burgzorg, un fiel cliente prepago di Digicel y a gana un bunita suma di Afl. 1000,-. Tambe a saca un ganado entre e tantisimo clientenan postpago, Carlos van der Linde a gana Afl. 2500,- cash.

Durante luna di september, Digicel lo selecta tres ganado mas. Pa participa ta super facil. Cada biaha cu bo “Top Up”, esta ora bo recarga bo celular cu credito of ora cu bo paga bo recibo di Digicel na tempo, bo ta participa automaticamente pa gana premio efectivo tur siman. Tambe Digicel ta corda tur su clientenan cu ainda falta e premio gordo di Afls.50.000 cash, pues recarga of paga bo cuenta pa asina sigura bo participacion.

Durante e ultimo simannan aki, Digicel ta repartiendo un cantidad di regalo, ora cu e clientenan haci nan compra di un telefon celular of un Dongle di nan red 4G.
Digicel ta sumamente contento cu e tremendo acogida cu nan a ricibi y ta ricibiendo diariamente, despues cu nan a anuncia nan red nobo di 4G, cu indudablemente ta haci cu Digicel enberdad ta e red di mas grandi y mihor, pero awor tambe esun mas lihe.