September 22nd 2011 - CARMELINIA BERKEL A GANA MIL FLORIN CASH CU ‘TOP UP & WIN’

Campaña di 180 mil florin na premio di Digicel
ORANJESTAD, Aruba – 22 di september 2011: E campaña “Top Up y Gana Awo!” di Digicel ta causando un furor riba nos isla y e siman aki a conoce un otro cliente cu suerte, cu a gana placa cash. Digicel ta conoci pa bin cu e campañanan fenomenal, unda cu su clientenan ta sinti nan aprecia y balora, como miembro di e famia grandi riba e red mas grandi, mas miho y awo esun di mas lihe tambe. E biaha a toca turno na Carmelinia Berkel, cu ta un cliente di e sistema prepago, cu na momento di recarga su cuenta di telefon, automaticamente a participa den e campaña y asina a gana Afl. 1.000.-.  Luna di september ta yegando den su simannan final y p’esey Digicel ta corda tur su clientenan pa keda recarga bo celular cu credito of paga bo recibo na tempo, pa bo tambe participa den e campaña pa gana premio efectivo y sin lubida cu ainda tin e premio gordo di Afls. 50.000,- cash, cu ta buscando su doño feliz. Alabes Digicel ta gradici tur su clientenan pa e tremendo sosten di e pueblo di Aruba, desde cu nan a cuminsa opera na aña 2003. Indudablemente, Digicel a sa di crece y a cumpli cu su promesa, esta di duna su clientenan mas balor pa nan placa, siendo un usuario di celular riba e red di mas grandi, mas miho y mas lihe di Aruba.