August 23rd 2011 - Digicel ta introduci 4G na Aruba cu fiesta y hopi premio

Awe henter dia lo tin premio na su tiendanan
Digicel ta introduci 4G na Aruba cu fiesta y hopi premio
Pega sticker riba bo auto y gana premio adicional!

ORANJESTAD, Aruba – 19 di augustus 2011: Digicel Aruba ta introduci e di cuater generacion den comunicacion mobil na Aruba cu fiesta y alegria den tur su tiendanan. E sistema 4G ta e partner perfecto pa tur hende cu ta desea un velocidad mas halto y comunicacion “on the go” mas stabiel pa nan smartphone, esta nan BlackBerry of Android.

Cu e lansamento di su red di 4G, Digicel Aruba tambe ta introduci un servicio y producto nobo: Internet pa medio di un USB stick, cu por wordo uza na cas of cu por ehempel un netbook of laptop sin mester depende di WiFi. Cu e USB stick aki e cliente no mester di ta na un luga cu tin WiFi pa por tin acceso na Internet, pero e USB stick mes ta provee e servicio aki y na un velocidad di 4G.

Aruba lo ta bisti na cora diaranson, dia 24 di augustus, ora cu e team dinamico di Digicel lo pone ambiente dushi di fiesta na tur tienda di Digicel, esta na Tanki Leendert, L.G. Smith Boulevard, Marisol Building, Santa Cruz y San Nicolas. For di 9or di mainta pa 5or y mey di atardi lo tin entretenimento cu miniteca henter dia. Tur cliente cu haci un compra di Afl. 20 of mas lo participa pa gana un BlackBerry, USB stick y tas di 4G cu bunita regalo.

Ademas, na tur tienda e team di promocion lo ta presenta pa splica e ofertanan fabuloso y regala sticker pa auto. Tur cliente cu pega e sticker riba nan auto ta participa asina na otro rifa, unda cu 4 number di auto lo wordo scogi tur siman durante luna di september pa ricibi premionan espectacular, manera e prome premio lo ta 1 aña di gasolin gratis pa Bo auto, e di dos premio ta un iPad, e di tres premio ta bo number di auto y bo seguro di auto paga pa 1 aña, mientras cu e di cuater premio lo ta un ‘service’ gratis di bo auto y taira nobo.

Tur hende ta keda invita pa bishita cualkier tienda di Digicel diaranson awor pa e lansamento di 4G y bin disfruta di  e bon ofertanan: Cu un contract di Afl. 90 of mas di 2 aña, e cliente por cumpra su BlackBerry 9300 pa solamente Afl. 49 y e USB stick ta gratis. Y Digicel no ta Digicel si e no ofrece un regalo mas: ora un cliente aplica pa un di e paketenan aki, e ta haya un descuento di 50% riba su Data durante e prome 4 lunanan.

Pasa na cualkier di e cinco tiendanan di Digicel, busca bo servicio di 4G y disfruta di comunicacion “on the go” riba e red mas grandi y mas lihe na Aruba.

 END