January 8th 2012 - Digicel ta ranca sali yen di animo pa recorda di nan campaña ‘Gratis pa un y tur’

Digicel ta ranca sali yen di animo pa recorda di nan campaña ‘Gratis pa un y tur’

Despues di a lansa nan tremendo campaña di ‘Gratis pa un y tur’ algun luna pasa, e interes y uzo pa e servicionan di Digicel, a aumenta enormemente. Digicel tin e compromiso cu su clientenan pa brinda miho ofertanan, servicionan y calidad y no tin duda cu den 2012 esaki lo ta miho ainda.



Diabierna e "promo team" dinamico a start sali cu yen di animo, energia y sonrisa grandi na tur e rotondenan di Aruba, pa recorda tur hende di e tremendo campaña ‘Gratis pa un y tur’. A scoge e rotondenan mas ocupa pa nos hendenan y den e oranan di mainta tabata e rotonde di San Nicolas, Santa Cruz y Seroe Blanco. Den oranan di atardi e team dinamico, a para na e rotondenan di Tanki Flip, Paradera y dilanti di Royal Plaza. E tremendo campaña aki ta encera cu clientenan mester manda solamente 5 SMS pa cualkier number y ta ricibi su SMS-nan pa e resto di e mesun dia GRATIS!


Esaki te cu un maximo di 100 SMS y ta valido di Digicel pa Digicel. Tambe den e campaña aki ta tene cuenta cu clientenan cu mester haci yamadanan internacional, pues tur cliente cu yam Venezuela, Colombia, Peru, St. Domingo, Hulanda of Merca y papia pa 5 minuut sigui, por papia te cu 10 minuut y solamente ta paga pa e prome 5 minuutnan. Pues, ta regala e cliente 5 minuut extra na yamada internacional gratis. Y pa esunnan cu ta haci yamada local, Digicel ta duna bo e opcion pa papia mas. Tur cliente di Digicel cu ta gusta of kier papia un tiki mas largo, Digicel a lansa e tremendo oferta aki pa tur yamada di Digicel pa Digicel na Aruba, Boneiro y Corsou, den cual e cliente ta papia pa 32 minuut, pero ta paga solamente pa e prome 2 minuutnan. Digicel ta hayando masha atencion mes di publico, ya cu nan ekipo di promocion yena di dinamismo, energia y alegria ta hopi contagioso y no tin duda cu esunnan cu no ta miembro ainda di Digicel, tambe ta sinti nan mes inspira pa uni na e famia grandi di Digicel, e red di mas grandi, mas miho y awo esun mas lihe na Aruba.