June 8th 2010 - Bert Schreuders: “Esaki ta e prome organisacion cu nos a patrosina den nos existencia” DIGICEL ORGUYOSO DI TA PATROSINADOR PA DI 7 AÑA CONSECUTIVO DI

Bert Schreuders: “Esaki ta e prome organisacion cu nos a patrosina den nos existencia”
DIGICEL ORGUYOSO DI TA PATROSINADOR PA DI 7 AÑA CONSECUTIVO DI SPECIAL OLYMPICS ARUBA
 
ORANJESTAD, Aruba – 8 di juni 2010: “Esaki ta e prome organisacion cu nos a patrosina den nos existencia. Mi por corda manera tabata ayera, cu nos a sera un contract cu Boso prome cu Digicel a lanza su operacionnan na Aruba”, asina Bert Schreuders, gerente general di Digicel Aruba a bisa na ocasion di firmamento di renobacion di e contract cu Special Olympics Aruba. E ehecutivo di e compania di celular cu mas ta creciendo na Aruba, den Antiyas, den Caribe, den Centro America y awor hasta den Oceano Pacifico ta recorda con 7 anja pasa Digicel a inicia nan relacion cu Special Olympics Aruba precisamente pa nan por a bay atende e weganan olympico special na Irlanda. For di eynan a nace un bon relacion cu a bin descomboca den e bishita di e atletanan special Irlandes aki na Aruba. “E bishita di awe no ta un casualidad. Ta frutonan di trabou duro cu e directiva di Special Olympics Aruba a bin ta realisando den e ultimo anjanan”. Mas leu Bert Schreuders a sigui bisa cu “Si Bo mira e atletanan aki riba veld, anto lo Bo ta di acuerdo cu mi cu nan mes a supera nan propio limitacionnan”. Na final e organisacion di Special Olympics di Aruba a mustra nan satisfaccion pa e relacion cu Digicel. Ambos organisacion tabatin palabranan di masha agradecimiento pa e sosten incondicional cu Digicel a bin ta dunando na e atletanan special aki.

FINAL