June 29th 2011 - Cu hopi premio, regalo y oferta special “Na Caminda pa Copa America” bibo for di Digicel Tanki Leendert

Cu hopi premio, regalo y oferta special
“Na Caminda pa Copa America” bibo for di Digicel Tanki Leendert

ORANJESTAD, Aruba – 28 di juni 2011: Digicel Tanki Leendert tabata anfitrion e siman aki di e programa “Na Caminda pa Copa America” cu ta pasa diariamente via ATV. Durante e programa a lansa diferente campaña cu oportunidadnan pa gana premio. Tambe a tene un demostracion con pa traha cu e touchscreen den e tienda.

Copa America 2011 ta cuminsa e siman aki y como un di e sponsornan principal, Digicel lo ta regalando diferente premio. Ademas, Digicel ta ofreciendo un tremendo special di 31 cen pa minuut ariba yamada pa Colombia, Venezuela y Peru den e asina yama “International voice bundles”. Como oferta di introduccion, tur hende cu registra pa “International voice bundles” ta participa automaticamente na e rifa di un BlackBerry na luna di juli. Pues ora bo ta sinti e tentacion pa yama discuti e wega cu bo amigonan of famia na Colombia, Venezuela of Peru, corda cu Digicel ta ofreciendo bo e mihor prijs pa minuut, bo mester djis registra pa un di e paketenan special y cla bo ta.
Durante e programa Elaine Singh, representante di Digicel, a entrega un telefon celular y a anuncia e number 743-8200 cu ta habri pa tur hende por manda SMS pa gana fabuloso premio cortesia di “E Red Mas Grandi y Mihor” durante Copa America.Tambe el a introduci e uzo di e touch screen den e tienda. Via di e touch screen clientenan por mira tur informacion cu tin obtenibel ariba y via e website di Digicel y tambe por wak tur telefon celular cu tin obtenibel, nan prijs y informacion relevante tocante cada modelo di telefon.
Digicel ta un partner di ATV pa Copa America 2011; no perde e oportunidad pa gana tremendo premio y regalo.