May 28th 2010 - Digicel ta patrosinador exclusivo durante transmicionnan di futbol

Digicel ta patrosinador exclusivo durante transmicionnan di futbol

Digicel ta un di e orguyoso patrosinadornan oficial pa e transmicionnan durante e copa Mundial di Futbol Sur Africa 2010 cu ta inicia otro luna. E compania di celular cu mas ta creciendo na Aruba, na Antiyas, den Caribe, Centro America y awor hasta den Oceano Pacifico a sera un acuerdo di exclusividad cu e compania di satelite cu ta percura pa transmicion di e weganan di futbol mundial den henter e region Caribense. Tur pais den Caribe lo sigui e transmicionnan di futbol danki na Digicel. Aki na Aruba, nos planta nacional Telearuba a cumpra e derechonan exclusivo di transmicion di e weganan di futbol mundial organisa pa FIFA. Como parti di e acuerdo, Digicel ta e patrosinador exclusivo durante e weganan aki, promocionando nan productonan y servicionan sin igual na e pueblo di Aruba. Riba e fotonan adhunto por aprecia momento cu Wanda Broeksema di Digicel Dutch Caribbean ta firma e acuerdo di transmicion pa Aruba hunto cu e director di Telearuba.