May 27th 2011 - Pa di 8 aña consecutivo DIGICEL TA SIGUI SOSTENE SPECIAL OLYMPICS ARUBA

Pa di 8 aña consecutivo
DIGICEL TA SIGUI SOSTENE SPECIAL OLYMPICS ARUBA
 
ORANJESTAD, Aruba – 26 di mei 2011: Ta trata aki di e prome organisacion cu Digicel a patrocina den nan existencia, hasta prome cu Digicel a lansa su operacionnan na Aruba den forma oficial. Philip van Dalsen, CEO regional di Digicel Dutch Caribbean, Suriname & Guyana a firma e renobacion di e contract cu Special Olympics Aruba durante un ceremonia cortico na e tienda nobo di Digicel situa na Santa Cruz. E ehecutivo di e compania di celular cu mas ta creciendo na Aruba, den Caribe, den Centro America y awor hasta den Ocean Pacifico ta recorda con 8 aña pasa Digicel a inicia nan relacion cu Special Olympics Aruba precisamente pa nan por a bay atende e weganan olimpico special na Irlanda. For di eynan a nace un bon relacion cu a bin desemboca den e bishita di e atletanan special Irlandes aki na Aruba. Special Olympics Aruba a mustra nan satisfaccion pa e relacion largo cu nan tin cu Digicel. Specialmente awor cu e atletanan ta preparando pa e weganan olimpico na Grecia. Digicel a comberti su mes den un “partner” cu Special Olympics Aruba y cu renobacion di e contract ta sigura y mara nan sosten pa por lo menos un aña mas. “Ala Bin, Ala Ban, Ala Bin Bon Bam, Digicel Digicel – Ra R ara”.

FINAL