June 18th 2010 - Siendo nan patrosinador principal E CAMPEONNAN DI BRITANNIA A RICIBI TASNAN DI FIFA REGALO DI DIGICEL

RANJESTAD, Aruba - 17 di juni 2010: Si tin un deporte cu Digicel ta patrosina den henter Caribe ta futbol. No solamente awor cu tin e Copa Mundial di futbol, sino for di hopi tempo atras. Digicel ta patrosinador principal di e Copa Caribense di CFU conoci como e “Digicel Caribbean Cup”. Aki na Aruba mas cu un team di futbol ta conta cu e respaldo y sosten di e compania di celular cu mas ta creciendo na Aruba, den Caribe, Centro America y hasta den Oceano Pacifico. 

Como un di e patrosinadornan oficial pa 2 aña caba, Digicel a tene un evento special pa entrega tasnan oficial di FIFA na hungadornan di division di honor di Britannia. E campeonnan di Britannia a keda masha contento cu e gesto aki di nan sponsor, kende ta patrosinador exclusivo di transmicionnan di e weganan di futbol mundial organisa pa FIFA, den henter e region Caribense.

Britannia a ser funda na October di aña 1958 y desde e tempo ey a haci historia den e deporte rey di futbol. Nan tin un total di 3 biaha caba cu nan a sali campeon di Aruba y e aña aki ta di 2 aña consecutivo cu nan ta bay cu e copa di honor. E division di honor di SV Britannia ta conta cu no menos di 28 persona cu na un forma activo ta traha duro pa mantene nomber di e team na halto.

Digicel Aruba a haci entrega di e tasnan na e hungadornan di e division di Honor di SV Britannia pa nan tambe por tin un recuerdo special di e weganan mundial di futbol tumando lugar na Sur Africa. Digicel ta masha contento di por ta patrosinador principal di e ekipo aki cu ya pa 2 aña consecutivo ta titula campeonnan di futbol di division di honor di Aruba.....pabien!